Құқықбұзушылықтың алдын алу мақсатында профилактикалық әңгіме

Алатау аудандық ЖПКБ ЮПБ полиция бөлімінің аға лейтенанты, мектеп инспекторы Мұхидин Арман Асхатұлының қатысуымен 8–11 сынып оқушыларына арналған құқықбұзушылықтың алдын алу мақсатында профилактикалық әңгіме өткізілді.

Кездесу барысында жасөспірімдер арасындағы құқықбұзушылықтың алдын алу, заң талаптарын сақтау, кәмелетке толмағандардың жауапкершілігі, интернет және әлеуметтік желідегі қауіпсіздік, буллинг пен зиянды әдеттердің салдары туралы маңызды ақпараттар түсіндірілді.

Оқушылар өздерін қызықтырған сұрақтарын қойып, заң аясында нақты жауаптар алды. Мұндай кездесулер оқушылардың құқықтық сауаттылығын арттырып, саналы әрі жауапты азамат болып қалыптасуына ықпал етеді.

Мақсаты: оқушылар арасында құқықбұзушылықтың алдын алу, заңға құрметпен қарауға тәрбиелеу.
https://www.instagram.com/reel/DSc25dZCLBE/?igsh=MXVvcDJ5dGR6ZWtzbA==