Алматы қаласының әкімі Алғыс хатымен марапаты

№185 жалпы білім беретін мектебі - Алматы қаласының жетекші мектебі. Жылдан жылға білім берудегі жаңа тенденцияларға сай материалдық-базалық модернизациядан өтіп, кәсіби сапалық құрамы да жаңа педагогикалық өлшемшарттарға сай өзгеріп келеді. Мектептің оқу-әдістемелік және оқу-тәрбие құрылымдары тиімді педагогикалық менеджменттің нәтижесінде жанданып, тиімді басқару менеджментін жүйелеген мектеп директоры Кержикеева Данагуль Рысбаевнаның басшылығымен мектептің стратегиялық және кәсіби даму жұмысы республикалық деңгейге көтеріліп отыр.
Алматы қаласының Білім беру жүйесіне қосқан үлесі мен білім берудегі жеткен жетістіктері үшін Тәуелсіздіктің 30 жылдық мерейтойы қарсаңында №185 жалпы білім беретін мектебінің директоры Кержикеева Данагуль Рысбаевна Алматы қаласының әкімі Бақытжан Әбдірұлы Сағынтаевтың Алғыс хатымен марапатталды.
Құтты болсын! Еңбегіңіз жандана берсін!