МЕКТЕПШІЛІК ТАМЫЗ КЕҢЕСІ

11.08.2021ж №185 жалпы білім беретін мектебінде қашықтан ZOOM платформасында математика-ақпараттану пәндер циклі мен жаратылыстану пәндер циклдерінің мектепішілік панельдік секциялары өткізілді. Секция кіріспесінде аталған пәндер бірлестіктерінің жаңа сапалық құрамдары таныстырылып, кәсіби даму жоспарлары ұсынылды. Өткен оқу жылындағы жетістіктер тізімдемесі мониторингтелді. Қашықтан оқыту кезеңінде республикалық арналарға математика пәнінен түсірілген мектеп тренерлерінің бейнесабақтары талданып, көрсетілді. Шеберлік алаңында аға көшбасшы тренер, педагог-зерттеуші Б.С.Нургельдиева “Физика пәнінің ақпараттық негіздері”, аға көшбасшы тренер, педагог-зерттеуші А.К.Жомартова “География сабағында PIZA талаптарына сәйкес тапсырмаларды кіріктірудің қажеттіліктері”, орта көшбасшы тренер Н.Сапахова “Цифрлық сауаттылықтың айналым мүмкіндіктері” тақырыптарында тәжірибелерімен бөлісті. Кеңес соңында аға көшбасшы тренерлер Г.У.Ауэлбекова, С.Тулеухасым, К.Келденов, А.Жомартова, Н.Жомартовалардың тәжірибелерін мектептің стратегиялық даму жоспарына қосып, республика мен аймақаралық деңгейде тәжірибе алмасуға ұсынылды.